Microservice архитектур гэж юу вэ?

Microservices нь нэгэн төрлийн архитектур загвар юм. Шууд Microservices-ын талаар ярихын өмнө, ямар ойлголтууд  байдаг талаар тайлбарлая.

• Monolithic – Таны хөгжүүлж байгаа систем бүхэлдээ нэг хэл дээр бичигдсэн код байхыг хэлдэг. Шинээр гарч ирж байгаа болон  зарим компаниуд ийм загвартай байдаг.

• Microservices – Таны хөгжүүлж буй систем олон жижиг жижиг системээс бүрдэн ажиллахыг хэлнэ. Жишээ нь "Кино театр"-ийн систем хөгжүүлж байлаа гэж бодоход, харилцагчийн шууд худалдан авах тасалбар, онлайн захиалга авах, тооцоо хийдэг, хайлт хийдэг, худалдаж авсан билетийн хувьд танхимуун суудал сонгох гэх мэт системийг хөгжүүлж тэдгээрийн бизнес логиктойгоо уялдуулан, хоорондоо харилцах чадвартай олон жижиг систем хөгжүүлэх юм.
• Polyglot Microservices – Энэ нь бүх систем адилхан хэл дээр хөгжүүлэлт хийгдсэн байх шаардлаггүй, системийн онцлогоос хамааран өөр өөр хэл дээр хөгжүүлэгдсэн байхыг ингэж нэрлэнэ.

Microservices-ын талаар бага зэрэг ойлголттой болсон байх. Хэрвээ жижиг систем хөгжүүлж байгаа бол, зүгээр monolithic-ээр явсан нь дээр байх. Нэг нийтлэл уншиж байхад, “систем хөгжүүлэлтийн сүүлийн шат нь microservices юм” гэсэн байна лээ. Тэгэхээр, системийн чинь хэрэглэгчийн тоо нь ихсээд, scaling шаардлагатай болж ирэх үед, нэгэн төрлийн сонголт болгон харахад гэмгүй болов уу.

Одоо microservices давуу талуудын талаар ярилцъя.

Хялбар код менежмент болон хөгжүүлэлт
Monolithic системийн хувьд, ямар нэгэн шинэ зүйл нэмэх болгонд кодын чинь хэмжээ ихсэнэ. Бүхэл нэг код тул, аль нэг газар алдаа гаргахад л бусад газарт нөлөөлөх болно. Мөн, хөгжүүлэгч бүр тэр код руу хандаж байгаа тул, явцын дунд, хэн нь аль хэсгийг хариуцаж байгаа нь харагдахаа больж эхлэнэ. Харин microservices-ын хувьд, систем тус бүр тус тусдаа кодтой байх тул, кодын хэмжээ замбараагүй өсөж хяналтаас гарахаас сэргийлж чадах юм. Мөн систем бүрийг тусгай багуудад хариуцуулснаар, тэр систем нь өөрийн гэсэн эзэнтэй болж, байнга арчилж, сайжруулахад амар болно. Мөн дараагийн хувилбарыг тэс өөрөөр хийхээр шийдсэн бол, зөвхөн тэр системээ л дахин бичихэд хангалттай. Харин monolithic системийн хувьд, аль хэдийн өөр зүйлүүдтэй хэт уялдаа хамааралтай болчихсон байх тул, өөрчлөлт хийхэд хэцүү байх болно.

Availability
Монгол хэл рүү юу гэж орчуулахаа мэдсэнгүй. Ер нь бол, систем чинь унахгүй , зогсолтгүй ажиллах чадвар л юм уу даа. Monolithic системийн хувьд, нэг газар л алдаа гарахад систем чинь тэр чигээрээ унах магадлалтай. Жишээ нь асар том PHP дээр бичигдсэн систем байлаа гэхэд, нэг semicolon мартахад л систем чинь тэр чигээрээ зогсоно.
Харин microservices-ын хувьд, ямар систем унаснаас хамаарч систем-ын зарим хэсгүүд ажиллах боломжтой юм.

Уян хатан scaling
Одоо бараг ихэнх газрууд auto-scaling хийдэг болсон байх. Серверийн ачааллаас хамаараад, шинэ instance үүсгэх эсвэл устгадаг. Microservices-ын хувьд систем тус бүр дээр scaling хийх боломжтой юм.

Гэх мэт олон давуу талтай юм. Өөр давуу талууд бас байгаа, тэгэхдээ яг одоо санаанд орж ирэхгүй байна.

Жишээ болгож миний блогоо бичиж байгаа WordPress-ыг monolithic болон microservices байдлаар дүрслэх гэж оролдъё.